გერმანიის საგარეო საქმეთა მინისტრი გიდო ვესტერველე ლიბიაში ნატოს ოპერაციასთან დაკავშირებით გამოთქმული მოსაზრების გამო, შესაძლოა, თანამდებობიდან გაათავისუფლონ. ამის შესახებ ინფორმაციას "Wall Street Journal"-ი ავრცელებს.
გამოცემა წერს, რომ გერმანიის საგარეო უწყების ხელმძღვანელის პოზიციას სხვა გერმანელი პოლიტიკოსები ემიჯნებიან, რაც შეიძლება მის გასათავისუფლებლად გადადგმული ერთ-ერთი ნაბიჯი იყოს.
ვესტერველე ლიბიში ნატოს ოპერაციაში გერმანიის ჩართვის წინააღმდეგი თავიდანვე იყო და ბერლინმა გაეროს 18 მარტს მიღებული რეზოლუციისთვის ხმის მიცემაზე თავი შეიკავა.
აღსანიშნავია, რომ გერმანელმა დიპლომატმა საკუთარი პოზიცია რამდენიმე დღის წინაც დააფიქსირა და აღნიშნა, რომ მუამარ კადაფის რეჟიმის დასამხობად პირველ რიგში ეკონომიკური სანქციები უნდა აემოქმედებინათ და არა ნატოს სამხედრო ოპერაცია.
