"იმედის" არხის ახალი სეზონისთვის "თი-ბი-სი TV"-ი ახალ გადაცემას ამზადებს. როგორც "ჯი-ეიჩ-ენს" "თი-ბი-სი TV"-ის გენერალურმა პროდიუსერმა ნოე სულაბერიძემ განუცხადა, მოლაპარაკებები ორ ახალ გადაცემაზე მიმდინარეობს.
"ახალ სეზონზე ერთი მუსიკალური და ერთი გასართობი გადაცემის მომზადება იგეგმება. ჯერ წამყვანებზე ვერაფერს გეტყვით, იმიტომ, რომ მოლაპარაკებების პროცესში ვართ. რაც შეეხება "თი-ბი-სი TV "-ის ძველ გადაცემებს, ისინი გაგრძელდება", - განაცხადა სულაბერიძემ.
შეგახსენებთ, რომ რამდენიმე წელია, "თი-ბი-სი TV"-ის სტუდია ტელეკომპანია "იმედში" გადაცემებზე მუშაობს. მათ ბოლო გადაცემას, სახელწოდებით "face-control''-ს, ნინი ბადურაშვილი და ნანკა კალატოზიშვილი უძღვებიან.
