"რია-ნოვოსტის" ოფისში გამართულ პრესკონფერენციაზე რობერტ სტურუამ რუსთაველის თეატრის და მსახიობების შესახებაც ისაუბრა. მისი თქმით, არსებობენ ადამიანები, რომლებიც ამბობენ, რომ ეს ყველაფერი სცენარით იყო გათვალისწინებული.
"მე ასე არ ვფიქრობ, ასევე ჭორი იყო, რომ სამხატვრო ხელმძღვანელის თანამდებობას გააუქმებენ, თუმცა, ეჭვი მეპარება ეს მოხდეს, რადგან ეს თანამდებობა მოგონილი არ არის. თეატრი სამხატვრო ხელმძღვანელის გარეშე წარმოუდგენელია. ალბათ არც არაფერი მოხდება და სამხატვრო ხელმძღვანელად ვინმეს დანიშნავენ. წავალ მე, მოვლენ სხვები რუსთაველის თეატრი ამით არ დასრულდება", - განაცხადა სტურუამ.
შეგახსენებთ, რომ სტურუას მოხსნა მსახიობებმა გააპროტესტეს. სამხატვრო ხელმძღვანელის დაბრუნების შესახებ განცხადებას ხელი თეატრის 70-მა თანამშრომელმა მოაწერა.
"თუ ვიღაც მსახიობები იმ გუნდს არ აყვნენ, რომელიც მე მიცავს, ამაზე არ ვინერვიულებ და ნორმალურად მივიღებ. რთულია, ახალგაზრდამ აკრიტიკოს ის ქვეყანა, სადაც უნდა აეწყოს. აქედან გამომდინარე, შემიძლია ჩემი პოზიცია დავაფიქსირო და ხელისუფლების დამოკიდებულება ვაკრიტიკო. კარგია რომ არ მიცავენ, რადგან ამისთვის მათ უნდა ილაპარაკონ და თუ ილაპარაკეს, ისინი მე დამადანაშაულებენ. მე არ მგონია ომბუდსმენების ან საერთაშორისო ორგანიზაციების დაცვა მჭირდებოდეს. რადგან ჩემი გათავისუფლების ბრძანებაში მიზეზი ნახსენები იყო ", - აღნიშნა რობერტ სტურუამ.
