"თავისუფალი საქართველოს" ინფორმაციით, დედოფლისწყაროში მაწანწალა ძაღლებმა სულ 209 ადამიანი დაკბინა.მათივე ცნობით, ასეთი ტიპის ადამიანებს შორის 32 ბავშვია, რომელთაც აცრა ჩაუტარდათ და ახლა მკურნალობას გადიან.
"მიუხედავად იმისა, რომ დედოფლისწყარო ცოფის გავრცელების მხრივ მაღალი რისკის ზონაშია, ამ მხრივ არაფერი კეთდება. "თავისუფალი საქართველო" მოითხოვს მუნიციპალიტეტის ხელმძღვანელობამ შესაბამის უწყებას დაავალოს მობილური ჯგუფების შექმნა და სასწრაფოდ ჩაუტარდეს აცრა მთელი რაიონის შინაურ ცხოველებს, ხოლო დაზარალებულებს ვურჩევ შეიტანონ სარჩელი იმ კომპეტენტური ხელმძღვანელების წინააღმდეგ, რომელთაც ევალებათ მათი დაცვა ამ საშინელი დაავადებისგან. საკრებულოს თავმჯდომარეს კი ვურჩევდით, რომ იფიქროს მაწანწალა ძაღლების თავშესაფარის შექმნაზე", - აცხადებს პარტიის დედოფლისწყაროს ორგანიზაციის თავმჯდომარე თამილა გურაშვილი.
