ჯანდაცვის მინისტრი ანდრია ურუშაძე წალკას სტუმრობდა. ურუშაძე რაიონული საავადმყოფოს ექიმებს შეხვდა. ასევე დაათვალიერა სოციალური მომსახურების სააგენტო და მშენებარე კლინიკა, რომელიც პაციენტებს დეკემბრიდან მოემსახურება.
ჯანდაცვის მინისტრი, მედიაციის სამსახურის ხელმძღვანელ გურამ კერესელიძესთან ერთად, ადგილობრივ მოსახლეობასაც შეხვდა და მათ სახელმწიფო დაზღვევასთან დაკავშირებით დეტალური ინფორმაცია მიაწოდა.
მედიაციის სამსახურის ორგანიზებით, მოსახლეობას ქართულ, სომხურ და აზერბაიჯანულ ენაზე დაბეჭდილი საინფორმაციო ბუკლეტებიც დაურიგდა.
