თბილისის მერის მოადგილე გიორგი ცხაკაიამ და საფეხბურთო კლუბ „დინამოს" დირექტორმა ზურაბ პოლოლიკაშვილმა ურთიერთშეთანხმების მემორანდუმი გააფორმეს.
საფეხბურთო კლუბ „დინამო"-სთან გაფორმდაა გრძელვადიანი (49-წლიანი) სარგებლობის უფლების ხელშეკრულება, ბორის პაიჭაძის სახელობის ეროვნულ სტადიონთან დაკავშირებით, რომლის მთავარი მიზანია სტადიონის მოვლა-პატრონობა და რეკონსტრუქცია, სტადიონის მწვანე საფარის შეცვლა (განახლება), ყოველწლიური ინვესტიციის განხორციელება, სტადიონის პროფილის შენარჩუნება მთელი ხელშეკრულების მოქმედების პერიოდზე, ბორის პაიჭაძის სახელობის ეროვნულ სტადიონის უეფასა და ფიფას საერთაშორისო თანამედროვე სტანდარტებთან შესაბამისობაში მოყვანა, რათა სტადიონი მუდმივად მზად იყოს საერთაშორისო დონის საფეხბურთო მატჩებისათვის.
