ინფექციურ საავადმყოფოში ჯილეხის დიაგნოზით კიდევ ერთი პაციენტი მოათავსეს. დაავადებული 39 წლის მამაკაცია. ის თბილისში დედოფლისწყაროდან გადმოიყვანეს.
პაციენტს სხეულზე გამონაყარი რამდენიმე დღის წინ გაუჩნდა, რასაც დაავადებისთვის დამახასიათებელი სხვა სიმპტომებიც ახლდა.
მამაკაცი მიზეზად მსხვილფეხა პირუტყვს ასახელებს, რომელიც რამდენიმე დღის წინ დაკლა.
ეს ფაქტი წელს ჯილეხით დაავადების მე-10 შემთხვევაა.
