ლიბიელმა ამბოხებულებმა ტრიპოლი დაიკავეს. ამის შესახებ დასავლური მედია იუწყება.
ამბოხებულების განცხადებით, "რევოლუციას შეუერთდა" და მათ მხარეზე გადავიდა ტრიპოლის დამცველი ჯარისა და პირადად პოლკოვნიკ მუამარ კადაფის დაცვის შემადგენლობის უმეტესი ნაწილი.
გავრცელებული ინფორმაციით, რომელსაც საერთაშორისო სისხლის სამართლის სასამართლოს წარმომადგენელიც ადასტურებს დაკავებულია კადაფის შვილი სეიფ-ალ-ისლამ კადაფი.
ჯერ-ჯერობით უცნობია სად იმყოფება თავად მუამარ კადაფი, რომელიც ლიბიას 42 წლის განმავლობაში მართავდა. არ მაუწყებლობს სახელმწიფო ტელევიზია.
ბი-ბი-სის ინფორმაციით, "ქალაქში მეფობს ეიფორია, მოოსახლეობა ქუჩებში გამოდის შეძახილებით - "ჩვენ თავისუფლები ვართ!".
მოსახლეობა დარწმუნებულია, რომ კადაფის რეჟიმი დაეცა.
ამადროულად, ნატო უარყოფს ინფორმაციას, რომ ის უშუალოდ უწევდა დახმარებას ამბოხებულებს.
პენტაგონის განცხადებით, ის ყურადღებით აკვირდება ლიბიაში მიმდინარე მოვლენებს და განაგრძობს ნატოს დახმარებას.
უნდა აღინიშნოს, რომ მუამარ კადაფის შვილის, მუჰამედის ინტერვიუ "ალ-ჯაზირას" პირდაპირ ეთერში მას შემდეგ შეწყდა, როცა მან გადაცხადა, რომ სამხედრო პირებმა ალყაში მოაქციეს მისი სახლი. მოგვიანებით ის კვლავ ჩაერთი პირდაპირ ეთერში და აღნიშნა, რომ იმყოფება ალყაში და დასძინა, "ამ ხალხმა მე სიცოცხლის გარანტია მომცა".
ლიბიის დედაქალაქის მთავარ მოედანზე ზეიმია, თუმცა გავრცელებული ინფორმაციების მიხედვით ქალქის სხვადასხვა რაიონებში ჯერ კიდევ არიან კადაფის მომხრე შეიარაღებული ფორმირებები.