საქართველოს კონსტიტუცია ბრაილის შრიფტით დაიბეჭდა.
როგორც "ჯი-ეიჩ-ენს" "კონსტიტუციონალიზმის კვლევისა და ხელშეწყობის რეგიონალური ცენტრიდან" აცნობეს, უსინათლოებს ქვეყნის უზენაესი კანონის დამოუკიდებლად წაკითხვის საშუალება 24 აგვისტოდან მიეცემათ.
ცენტრის ხელმძღვანელი ავთანდილ დემეტრაშვილი, ამ დღეს უსინათლოთა კავშირის წარმომადგენლებს შეხვდება და ბრაილის შრიფტით დაწერილ საქართველოს კონსტიტუციას საჩუქრად გადასცემს.
"კონსტიტუციონალიზმის კვლევისა და ხელშეწყობის რეგიონალურ ცენტრში" აცხადებენ, რომ ქვეყნის უზენაესი კანონი ბრაილის შრიფტით მათი ხარჯებით დაიბეჭდა და მას ქართველი უსინათლოები საჩუქრად მიიღებენ.
