საშემოდგომო გაწვევა დაიწყო. სავალდებულო სამხედრო სამსახურში წვევამდელების მობილიზაცია დილიდან მიმდინარეობს. პირველი მცხეთა-მთიანეთის რეგიონია, საიდანაც თავდაცვის სამინისტროს შეიარაღებულ ძალებში 80 ახალგაზრდას გააგზავნიან. გაწვევას ექვემდებარება 18-27 წლამდე ასაკის მოქალაქე, რომელსაც არ გაუვლია სამხედრო სამსახური და არ სარგებლობს კანონით დადგენილი შეღავათით. სამხედრო სავალდებულო სამსახურიდან თავისუფლდებიან პირები, რომლებიც ჯანმრთელობის მდგომარეობის გამო სამხედრო სამსახურისათვის უვარგისად არიანი ცნობილები; ისინი ვინც სამხედრო სამსახური სხვა ქვეყნის ძალებში გაიარა; მოქალაქეები, რომლებიც არასამხედრო ალტერნატიულ შრომით სამსახურს გადიან; სამხედრო სამსახურისგან თავისუფლდებიან პირები, რომლებიც სისხლის სამართლის მძიმე ან განსაკუთრებით მძიმე დანაშაულის ჩადენისთვის არიან ნასამართლევნი და პედაგოგები, რომლებსაც მინიჭებული აქვთ სამეცნიერო ხარისხი და ეწევიან სამეცნიერო საქმიანობას.
მასალის გამოყენების პირობები
