ხობის მარიამ ღვთისმშობლის სახელობის მონასტერში აღდგენითი და გამაგრებითი სამუშაო დაიწყო.
რეაბილიტაცია უტარდება სამრეკლოს, სადაც წყალი ჩადის და საფრთხეს უქმნის ტაძრის მოხატულობას. ქართული ხუროთმოძღვრული ძეგლის აღდგენას კულტურის სამინისტრო უძღვება.
ხობის მონასტერი ერთ-ერთი უძველესი ტაძარია, რომელიც ძეგლთა დაცვის სააგენტოს სარეაბილიტაციო ნუსხაშია შეტანილი. სამუშაოს შედეგად ძეგლს შეუნარჩუნდება პირვანდელი სახე.
სარეაბილიტაციო სამუშაო ოქტომბერში დასრულდება.
