პოლიტიკური გაერთიანება "სამართლიანი საქართველო" და მისი ლიდერი ზურაბ ნოღაიდელი გმობენ რუსთაველის თეატრის სამხატვრო ხელმძღვანელის რობერტ სტურუას თანამდებობიდან გათავისუფლებას.
სააკაშვილი და მისი რეჟიმი განაგრძობენ განსხვავებული პოლიტიკური შეხედულებების მქონე პოლიტიკოსების, მოქალაქეების, ბიზნესმენებისა და კულტურის სფეროში მოღვაწე პიროვნებების დევნას. შემაშფოთებელია, რომ რეჟისორის თეატრის ხელმძღვანელობიდან მოხსნა სწორად მის განსხვავებულ შეხედულებებს უკავშირდება", - აღნიშნულია მათ მიერ გავრცელებულ განცხადებაში.
წლების განმავლობაში მოპოვებული საყოველთაო აღიარება რობერტ სტურუას სახელთანაა დაკავშირებული.
"ის უნიჭიერესი რეჟისორია და მის მიმართ ასეთი დამოკიდებულება მიუღებელია საზოგადოების დიდი ნაწილისთვის", - აღნიშნულია განცხადებაში.
