გურჯაანის საავადმყოფოს მედპერსონალი ორი თვის დავალიანების დაფარვას ითხოვს. ექიმები ამბობენ, რომ ამის მიზეზი სადაზღვევო კომპანიების მიერ დაგვიანებით ჩარიცხული თანხებია, რის გამოც კლინიკას ხშირ შემთხვეაში მედიკამენტების შეძენის საშუალებაც კი არ აქვს.
გურჯაანის საავადმყოფოში დღეს ჯანდაცვის სამინისტროს მედიაციის სამსახურის ხელმძღვანელი მივიდა და მედპერსონალს პრობლემის უახლოეს მომავალში მოგვარების პირობა მისცა.
დავალიანების ნაწილი კლინიკას ხვალიდან ჩაერიცხება, მთლიანი თანხა კი სექტემბრისთვის დაიფარება.
