შოთა რუსთაველის სახელობის სახელმწიფო დრამატულ თეატრში სამხატვრო ხელმძღვანელის თანამდებობა არ უქმდება.
ამის შესახებ კულტურის მინისტრმა ნიკა რურუამ დღეს, ბათუმში გამართულ ბრიფინგზე განაცხადა.
"ზოგადად, სამხატვრო ხელმძღვანელის პოსტი არ უქმდება და ეს პოსტი არც რუსთაველის თეატრში გაუქმდება", - განაცხადა მინისტრმა.
მისივე განმარტებით, სამხატვრო ხელმძღანელის თანამდებობაზე ახალი კანდიდატურა ამ დროისთვის არ არსებობს.
რაც შეეხება გავრცელებულ ინფორმაციას, რომ შესაძლოა, თანამდებობა რუსთაველის თეატრის მმართველმა ზაალ ჩიქობავამაც დატოვოს, მინისტრის განმარტებით, ჩიქობავა თანამდებობაზე დარჩება.
