"ქართული პარტია" რობერტ სტურუას თანამდებიდან გათავისუფლებას პოლიტიკურ ანგარიშსწორებად აფასებს.
"სააკაშვილის რეჟიმი განაგრძობს განსხვავებული პოლიტიკური შეხედულებების მქონე მოქალაქეების დევნას. ამ ანტიდემოკრატიული ტენდენციის მორიგ გამოვლინებას წარმოადგენს ცნობილი რეჟისორის, რობერტ სტურუას გათავისუფლება შოთა რუსთაველის სახელობის სახელმწიფო დრამატული თეატრის სამხატვრო ხელმძღვანელის თანამდებობიდან", - ნათქვამია პარტიის განცხადებაში.
მათივე აზრით, სააკაშვილის ხელისუფლება ვერ იტანს თავისუფალ აზრს, ობიექტურ კრიტიკას და, მის ჩასახშობად, მიზანმიმართულად ავიწროვებს იმ ადამიანებს, ვინც სიმართლის ხმამაღლა თქმას ბედავს.
სწორედ გაბედული მოქალაქეობრივი პოზიცია გახდა რობერტ სტურუას თანამდებობიდან გათავისუფლების მიზეზი. „ქართული პარტია" ხელისუფლების ქმედებას ცნობილ ხელოვანთან პოლიტიკურ ანგარიშსწორებად აფასებს და მოითხოვს, რომ სააკაშვილის რეჟიმმა შეწყვიტოს მსგავსი უზნეო ქმედებები", - აღნიშნულია განცხადებაში.
შეგახსენებთ, რომ რობერტ სტურუა შოთა რუსთაველის სახელობის სახელმწიფო დრამატული თეატრის სამხატვრო ხელმძღვანელის თანამდებობიდან 9 აგვისტოს, კულტურის მინისტრ ნიკა რურუას ბრძანებით გათავისუფლდა.
