ცნობილი ხდება ნოირვეგიაში, კუნძულ უტოიაზე მოხდარი ტრაგედიის ახალი დეტალები. ანდრეს ბრეივიკის შეჩერებას, იმ დროს, როდესაც ის კუნძულზე მყოფ ბავშვებს ხოცავდა, ორი ჩეჩენი მოზარდი შეეცადა.
17 წლის მოვსარ ჯამაევი და 16 წლის რუსტან დაუდოვი შეეცადნენ, ტერორისტის განიარაღებას, როდესაც მან ახალგაზრდულიო ბანაკის წევრების მისამართით ცეცხლი გახსნა.
ჩეჩენი მოზარდები, როდესაც მიხვდნენ, რომ ეს იყო თავდასხმა დაიმალნენ ტყეში და ბრეივიკის მიმართულებით ქვების სროლა დაიწყეს.
საბოლოოდ, როცა დარწმუნდნენ, რომ ვერ შეძლებდნენ ასეთი სახით მის შეჩერებას მათ სხვების დახმარების გადაწყვეტილება მიიღეს.
რუსტამ დაუდოვის თქმით, თავიდან სროლის ხმა შემოესმათ და დაინახეს თუ როგორ მირბოდნენ მათი თანატოლები.
"თავიდან გვეგონა, რომ ეს რაღაც წარმოდგენა იყო და ჩვენც მივუახლოვდით, მაგრამ როდესაც ჩვენს თვალწინ 3 თანატოლი დაეეცა ყველაფერი ნათელი გახდა",- იხსენებს დაუდოვი.
ამის შემდეგ მოვსარ ჯამევმა რუსტამი ტყეში შეათრია. რამდენიმე წუთის შემდეგ, მან დაურეკა მამას და აცნობა თუ რა ხდებოდა კუნძულზე.
მოზარდი ყვება, რომ უტოიაზე მომხდარმა მას ჩეჩნეთი გაახსენა, სადაც პატარაობისას ასევე შეესწრო ადამიანების დახოცვის ფაქტს.
ტყეში ყოფნისას, მათ დაინახეს პოლიციელი და გადაწყვიტეს მისთვის დასახმარებლად მიემართათ, თუმცა მოვსარს ეჭვი შეეპარა, რომ ეს შესაძლოა ყოფილიყო გადაცმული დამნაშავე, რაც შემდგომ სინამდვილე აღმოჩნდა.
პოლიციის ფორმაში ჩაცმულმა ბრეივიკმა იმ მოზარდების მიმართულებით დაიწყო სროლა, რომლებიც მასთან მისვლას აპირებდნენ.
ჩეჩენი მოზარდების თქმით, ტერორისტი გამოიყურებოდა აბსოლიტურად მშვიდად და ყოველგვარი ემოციის გარეშე ხოცავდა ხალხს.
ამ დროს რუსტამმა, მოვსარმა და კიდევ ერთმა ახალგაზრდამ შესძლეს ბრეივიკისთვის ზურგიდან შემოვლა და მისი მიმართულებით ქვების სროლა.
"რაღაც მომენტში გადავწყვიტეთ, რომ თავს დავსხმოდით, მაგრამ მას შემდეგ რაც ბრეივიმა ჩვენი ერთი ამხანაგი მოკლა იძულებული გავხდით გარკვეულ მანძილზე უკან დაგვეხია", - ამბობს რუსტამი.
მოზარდები დარწმუნებულები არიან, რომ ბრეივიკის რამდენიმე ქვა მოხვდა, რადგან ის შემობრუნდა მათ მხარეს და დაიყვირა "ეშმაკი ზანგები".
"მივხვდით, რომ ასე ვერაფერს გავაწყობდით და გადავწყვიტეთ სხვების დახმარება. მოვსარმა იპოვა კლდეში პატარა გამოქვაბული, სადაც გადაგვყავდა ჩვენი ამხანაგები, ზოგიერთები ისეთ შოკში იყვნენ, რომ ფეხის გადადგმაც არ შეეძლოთ და გვიხდებოდა ძალის გამოყენება",- ამბობს როსტამი.
მთლიანობაში ბავშვებმა 23 თანატოლის გადარჩენა მოახერხეს. ერთ-ერთი გადარჩენილი 8 წლისაა, რომელიც მოვსარ ჯამაევმა თითმის ერთი საათი მხრებით ატარა. ისინი რამდენჯერმე დაბრუნდნენ უკან, რომ თავიანთ თანატოლებს დახმარებოდნენ, მაგრამ ბოლოს ძალები არ ეყოთ.
"ვერ შევძელი ერთი ბიჭის გადარჩენა, რადგან უკვე ძალა არ მეყო მასთან მიმეცურა",- ამბობს მოვსარი, რაზეც მისი მეგობარი ამბობს: "მოვსარს, რომ შეეცადა მისი გადარჩენა, ის ვერ შესძლებდა და თავადაც დაიხრჩობოდა. ის ისედაც სუპერმენივით იყო და ბევრი ადამიანი გადარჩია".
