სასტუმრო "აფხაზეთი" თითქმის ცარიელია.
როგორც "ჯი-ეიჩ-ენს" ოკუპირებული ტერიტორიებიდან იძულებით გადაადგილებულ პირთა ლტოლვილთა და განსახლების სამინიტროდან აცნობეს, სასტუმროში 20 წლის მანძილზე გაუსაძლის და ანტისანიტარიულ პირობებში მცხოვრები ოჯახები სამინისტროს შუამდგომლობით შენობის მეპატრონემ დააკმაყოფილა და თითოეულ ოჯახს ორი ალტერნატივა შესთავაზა - ფულადი დახმარება 10,000 აშშ დოლარი და საცხოვრებელი ფართი რუსთავში, რომელსაც სამინისტრო მათ საკუთრებაში გადასცემს და დაუკანონებს.
აღსანიშნავია ის ფაქტი, რომ ამ წუთისთვის უმრავლესობამ, ანუ 142-მა ოჯახმა თანხის აღებაზე დაწერა თხოვნა და სასტუმრო დატოვა, მათი ტრანსპორტირება, მუშებით უზრუნველყოფა და ავეჯის გადატანა სამინისტრომ აიღო ვალდებულებად და ამ წუთისთვის შენობა თითქმის დაცლილია.
სამინიტროს ინფორმაციით, სასტუმროში რჩება დაახლოებით 40-მდე ოჯახი და მათი განსახლება და დაკმაყოფილება დღეს დასრულდება.
