კახეთში ავარიის შედეგად ორი ადამიანი დაიღუპა.
თბილისიდან ბაკურციხის მიმართულებით მოძრავი, ქვიშით დატვირთული ავტომობილი გზის სავალი ნაწილიდან გადავიდა, რამდენიმე მეტრის სიმაღლიდან გადავარდა და ერთ-ერთი ადგილობრივის საცხოვრებელ სახლში შევარდა.
სახლში არავინ იმყოფებოდა, მანქანის მძღოლი და მგზავრი კი ადგილზე დაიღუპნენ.
თვითმხილველების თქმით, მანქანას ვარდნის დროს ცეცხლი გაუჩნდა. მაშველებს ცხედრების ამოსაყვანად სპეციალური ტექნიკა დასჭირდათ.
ორივე გარდაცვლილი წეროვანიდან იყო. ისინი სამსახურეობრივ მოვალეობას ასრულებდნენ.
