დღეიდან საქართველოში ტემპერატურა შედარებით დაიკლებს. როგორც "ჯი-ეიჩ-ენს" გარემოს ეროვნულ სააგენტოში განუცხადეს, 20 აგვისტომდე არამდგრადი ამინდებია მოსალოდნელი.
"დღეს, დღის მეორე ნახევრიდან საქართველოს ზოგიერთ რაიონში წვიმას ველოდებით. მას თან შესაძლოა ელჭექიც ახლდეს. 14 აგვისტოდან ისევ გამოიდარებს, თუმცა 20 აგვისტომდე ქვეყნის ზოგიერთ რაიონში არამდგრადი ამინდი შენარჩუნდება", - განაცხადეს ჰიდრომეტცენტრში.
მათივე ინფორმაციით, მცირე სახის ნალექების გამო ტემპერატურაც შედარებით დაიკლებს და მხოლოდ 28-29 გრადუსამდე დათბება.
