დღეს, 12 აგვისტოს საქველმოქმედო ფონდი `იავნანა" ვისოლის მხარდაჭერით ბუტულაშვილების მრავალშვილიან ოჯახს სახლის გასაღებს გადასცემს. დეკანოზი დავით ბუტულაშვილის 7 შვილიანი ოჯახი სამოცდამესამეა იმ სოციალურად დაუცველ ოჯახებს შორის, რომელთაც პაატა ბურჭულაძის საქველმოქმედო ფონდი სახლს ჩუქნის და კერას უთბობს. ბუტულაშვილების ოჯახს საკუთარი სახლი არ გააჩნდათ, რის გამოც ბავშვებს შორის ყველაზე პატარა, 2 წლის ნინი ოჯახთან ერთად ვერ ცხოვრობდა, ამიერიდან „იავნანასა" და ვისოლის დახმარებით მრავალშვილიანი ოჯახი ერთად ბედნიერად იცხოვრებს.
«დეკანოზი დავითი სიღნაღის რაიონის სოფლებში - ვაქირში და ანაგში მსახურობს და წირვა-ლოცვას ვაქირის იოანე ნათლისმცემლის ტაძარში აღავლენს. ფონდ `იავნანას~ თხოვნით სწორედ ამ ორი სოფლის მოსახლეობამ მიმართა, ვისოლი კი არის კომპანია რომელიც დაარსების პირველივე დღიდან გვერდით გვიდგას, ჩვენი თითქმის ყველა აქციის მხარდამჭერია და ძალიან ბევრი ერთობილივი პროექტი გვაქვს განხორციელებული. ბუტულაშვილების მრავალშვილიან ოჯახის კეთილდღეობაზეც ვისოლმა იზრუნა»- აცხადებს პაატა ბურჭულაძე.
გასულ წელს ფონდი «იავნანას" მიერ სპორტის სასახლეში გამართულ საქველმოქმედო აქციაზე პაატა ბურჭულაძემ კომპანია ვისოლს ფონდის აქტიური მხარდაჭერისათვის «ოქროს რაში" გადასცა.
