დღეს, 12 აგვისტოს, ჰონადიის საელჩოს შენობასთან 2008 წლის აგვისტოს ომის დროს დაღუპულ ჰოლანდიელ ჟურნალისტს გაიხსენებენ.
საქართველოს ჟურნალისტთა კავშირის, "9 აპრილის საზოგადოებისა" და ახალი ეროვნული მოძრაობა "სამშობლოს" ორგანიზებით, საელჩოს შენობასთან (სასტუმრო "შერატონ-მეტეხი-პალასი) ქართველი ჟურნალისტები და საზოგადოების წარმომადგენლები შეიკრიბებიან და დაღუპული ჟურნალისტის, სტან სტორინამის ხსოვნას წუთიერი დუმილით პატივს მიაგებენ.
როგორც "ჯი-ეიჩ-ენს" ორგანიზატორებმა განუცხადეს, სტან სტორინამის პატივსაცემად ადგილზე დაინთება სანთლებიც.
შეგახსენებთ, რომ ჰოლანდიელი ჟურნალისტი 2008 წლის 12 აგვისტოს, ომში დაიღუპა.