ბათუმში ბაღების რაბილიტაციის პროცესი დასასრულს უახლოვდება. ბათუმის მერიის ინფორმაციით, 22 ბაღიდან მხოლოდ 4 დარჩა გასარემონტებელი. სამუშაო ოთხივე ბაღში აქტიურად მიმდინარეობს.
პროექტის ფარგლებში კაპიტალურად გარემონტდება #15, #16 და #19 საბავშვო ბაღები, ხოლო #7 ბაღს რეკონსტრუქცია უტარდება - დაემატება კიდევ ერთი სართული, რაც საბავშვო ბაღს ჯგუფების გაზრდის საშუალებას მისცემს. მოწესრიგდება ეზოები და მოეწყობა სათამაშო მოედნები. ოთხივე საბავშვო ბაღის რეაბილიტაცია წლის ბოლომდე დასრულდება. ადგილობრივი ბიუჯეტიდან ბაღების რეაბილიტაციისათვის მილიონ 400 ათასზე მეტია გამოყოფილი.
აღსანიშნავია, რომ შემოერთებულ ტერიტორიაზე - გონიოსა და აეროპორტის დასახლებაში ახალი ბაღების მშენებელობა იგეგმება.
