ყინულის დნობის პროცესის შესასწავლად მყინვარ გერგეთსა და დევდორაკზე გეოლოგიური ექსპედიცია დაიგეგმა. გადაწყვეტილება გარემოს დაცვის სამინისტრომ მიიღო.
შპეციალისტები ადგილზე ყინულის დრონის პროცესს ერთი თვის განმავლობაში დააკვირდებიან და მიზეზებს შეისწავლიან, რის შემდეგად შესაბამის დასკვნას დადებენ.
"ორ მყინვარზე იწარმოებს მონიტორინგი ორი მიზეზის გამო. პირველი, რომ გარკვეული პრევენცია იქნას გატარებული კატასტროფების მიმართ, რომლებიც ამ მყინვარების დნობით არის გამოწვეული და მეორე, ქვეყნისთვის წყლის რესურსი სტრატეგიული რესურსი გახდეს. ჩვენ უნდა გვქონდეს წარმოდგენა რა მდგომარეობაშია მყინვარები", - განუცხადა ჟურნალისტებს გარემოს დაცვის მინისტრმა გოგა ხაჩიძემ.
შეგახსენებთ, რომ ბოლო პერიოდში კავკასიონის ქედზე არსებულ თითქმის ყველა მყინვარზე ყინულის ინტენსიური დნობა შეინიშნება. წინასწარი ვარაუდით, სპეციალისტები აღნიშნულს გლობალურ დათბობებს უკავშირებენ.
