საქართველოს საპატრიარქო სინოდის წევრებთან დაკავშირებით გავრცელებულ ინფორმაციებს უარყოფს და საზოგადოებას მოუწოდებს, ის არ დაიჯეროს.
"ბოლო დროს ინტერნეტის და პრესის საშუალებით წმიდა სინოდის წევრებთან დაკავშირებით შეურაცხმყოფელი და არასწორი ინფორმაციები ვრცელდება. ეს არის ზოგიერთ შემთხვევაში მიზანმიმართული, ზოგჯერ კი გაუცნობიერებული ქმედება, რომელიც, საბოლოო ჯამში, ხალხის დაბნევას და მრევლში უნდობლობის დანერგვას ემსახურება", - ნათქვამია საპატრიარქოს მიერ გავრცელებულ განცხადებაში.
საქართველოს საპატრიარქო მიმართავს საზოგადოებას, არ აყვნენ ასეთ ქმედებებს, "რადგან იგი ყურადღების სხვაგან გადატანის, ეკლესიაში შფოთის შემოტანის, მისი დასუსტების მცდელობაა".
"ჩვენ ეს არ უნდა დავუშვათ", - აღნიშნულია განცხადებაში.
