"ქრისტიან-დემოკრატების" ლიდერებმა და მათმა მხარდამჭერებმა დღეს სენაკის ქუჩებში მხედრული სარიტუალო სვლა მოაწყვეს, რითაც პატივი მიაგეს რუსეთ-საქართველოს ომში დაღუპულთა ხსოვნას.
"სამი წლის წინ ყველაზე დიდი მსხვერპლი სენაკმა გაიღო და საოკუპაციო ჯარებთან ბრძოლაში მხოლოდ ერთი რაიონიდან 17 ადამიანი დაიღუპა. ჩვენ ყველაფერი უნდა გავაკეთოთ, რომ მსგავსი ტრაგედია აღარასოდეს განმეორდეს. იმისათვის, რომ საქართველოს ჰქონდეს უსაფრთხო მომავალი, სწორი სტრატეგიის შემუშავება და დაუღალავი შრომაა საჭირო" - განაცხადა გიორგი თარგამაძემ სენაკის რაიონის მოსახლეობისადმი მიმართვისას.
ხალხთან გასაუბრების შემდეგ "ქრისტიან-დემოკრატების" ლიდერებმა გვირგვინით შეამკეს ეროვნული გმირის - ჟიული შარტავას ძეგლი.
