თბილისის მერმა გიგი უგულავამ სამკერვალო კომპანია დაათვალიერა.
უგულავა " ელსელის" წარმოებულ პროდუქციასაც გაეცნო და დასაქმებულ ადამიანებს შეხვდა. სამკერვალო 2002 წლიდან ფუნქციონირებს და სპეციალური დანიშნულების ტანსაცმელს აწარმოებს.
კომპანია თანამშრომლობას იწყებს თურქულ ბრენდ "კოტონთანაც". სამკერვალოში 200-მდე ადამიანია დასაქმებული. თბილისის მერიის რეკომენდაციით, უახლოეს მომავალში ამ საწარმოში კიდევ რამდენიმე თბილისელი დაიწყებს მუშაობას.
პირველ ეტაპზე მათ გადამზადების კურსი უნდა გაიარონ.
