მართლმადიდებლურ და კათოლიკურ ეკლესიებში მაგდალინელისადმი თაყვანისცემა განსხვავებულია: მართლმადიდებლობა მას თაყვანს სცემს, როგორც შვიდი ეშმაკეულისგან განკურნებულს; მისი სახელი სახარების მხოლოდ რამდენიმე ეპიზოდში ფიგურირებს; კათოლიკური ეკლესიის ტრადიციებში კი მასთან დიდი ხანი აიგივებდნენ მონანიე მარიამ ბეთანიელთან, გარდა ამისა, თან დაურთავდნენ ფართო ლეგენდარულ მასალას. იესო ქრისტესა და მარიამ მაგდალინელს შორის არსებული კავშირის ხასიათთან დაკავშირებით არაერთი კონსპიროლოგიური ვერსია და ვარაუდი არსებობს, რასაც მორწმუნე საზოგადოება აფასებს როგორც შებღალვას.

წარმოშობით გალილეის ქალაქ მაგდალადან იყო; კაპერნაუმთან ახლოს. ახალ აღთქმაში მარიამ მაგდალინელის სახელი რამდენჯერმეა ნახსენები: იესო ქრისტემ ის შვიდი ეშმაკისაგან განკურნა (ლკ.8:2); ამის შემდეგ იესო ქრისტეს გაჰყვა, ემსახურებოდა მას და ქონებას უყოფდა (მკ15:40-41, ლმ.8:3); გოლგოთაზე უფლის ჯვარცმას დაესწრო (მთ.27:56 და სხვ.);
იყო ქრისტეს დაკრძალვის მოწმე (მთ.27:61 და სხვ.).