საგანმანათლებლო პროგრამა - "ასწავლე და ისწავლე საქართველოსთან ერთად" ფარგლებში ინგლისურენოვან მოხალისე მასწავლებელთა ჩამოსვლა გრძელდება. ამჯერად, მოხალისეები ავსტრალიიდან, აშშ-დან, კანადიდან და დიდი ბრიტანეთიდან ჩამოვიდნენ.
სასწავლო წლის დაწყებამდე, მოხალისე პედაგოგთა კიდევ რამდენიმე ჯგუფი ჩამოვა, წლის ბოლომდე სულ 1 500 პედაგოგი.
ინგლისურენოვან პედაგოგთა ახალი ჯგუფი ტრადიციულად ტრენინგს გაივლის. ზაფხულის განმავლობაში მასწავლებლები სხვადასხვა საგანმანათლებლო პროექტებში ჩაერთვებიან, მათ შორის მონაწილეობას მიიღებენ საზაფხულო სკოლების საქმიანობაში და ახალი სასწავლო წლიდან თბილისის, იმერეთის, სამეგრელოს, აჭარის, მცხეთა-მთიანეთის, კახეთის, ქვემო ქართლსა და შიდა ქართლის სკოლებში გადანაწილდებიან და ადგილობრივ მასწავლებლებთან ერთად, სასწავლო პროცესში ჩაერთვებიან.
