მხიარულთა და საზრიანთა გუნდმა სეპარატისტული აფხაზეთიდან, სახელწოდებით "ნარტი იზ აბხაზიი", მონაწილეობა ვერ მიიღო მხიარულთა და საზრიანთა ფესტივალში "გოლოსიაშიი კივინ 2011"-ში, რომელიც იურმალაში გაიმართა. მიზეზი გახდა ის, რომ ლატვიის მხარემ სეპარატისტებს ვიზების მიცემაზე უარი უთხრა. ინფორმაციას ამის შესახებ რუსული მედია აფხაზეთის ე.წ. საგარეო საქმეთა სამინისტროზე დაყრდნობით ავრცელებს.
სეპარატისტთა საგარეო უწყება რიგის გადაწყვეტილებას აკრიტიკებს. სეპარატისტთა გუნდის ხელმძღვანელი ვიანორ ბებია აცხადებს, რომ რუსეთში მდებარე ლატვიის საელჩოში "აფხაზეთის მოქალაქეებს ვიზების მიცემაზე უარი უთხრეს და განაცხადეს, რომ მათ რუსეთის საზღვარგარეთის ყალბი პასპორტები აქვთ.
როგორც აღმოჩნდა, მხიარული და საზრიანი სეპარატისტები ვიზებს რუსეთის დედაქალაქში 7-დან 20 ივლისამდე ელოდნენ. ამ პროცეში აფხაზეთის ე.წ. საგარეო საქმეთა სამინისტროც ჩაერთო, თუმცა მდგომარეობას ვერ ამან უშველა.
"აფხაზური გუნდის პასპორტებში მსოფლიოს სხვადასხვა ქვეყნების ვიზები არის. ეს სიტუაცია კი პოლიტიკური ფარსია. მიძნელდება ლატვიის ხელისუფლების ქმედებისთვის რაციონალური ახსნის მოძებნა. აფხაზური გუნდისთვის უარის თქმა კულტურულ თანამშრომლობაზე გამიზნული უარია და სრულიად ეწინააღმდეგება ევროკავშირის სტრატეგიას "ჩართულობა აღიარების გარეშე", _ აცხადებს ღვინჯია.
