ირანში, თურქეთის საზღვართან გაზის მილსადენი აფეთქდა. როგორც "ასოშიეთიდ პრესი" იუწყება, მილსადენის აფეთქებამ თურქეთში გაზის მიწოდება შეწყვიტა. ირანის ეროვნული გაზის კომპანიის ოფიციალური წარმომადგენლის, მაჯირ ბუჟარზადეს განცხადებით, აფეთქება ირანის დროით, დილის საათებში, თურქეთის საზღვართ მდებარე ქალაქ ბაზანგანში მოხდა. ბუჟარზადეს თქმით, აფეთქების მიზეზი ამ დროისთვის უცნობია და ნაადრევია იმის თქმა, რომ ეს იყო საბოტაჟი.
"ამჟამად მიმდინარეობს გამოძიება და ვცდილობთ დავადგინოთ თუ რატომ მოხდა აფეთქება. ასევე მიმდინარეობს მილსადენის შეკეთებაც და გვინდა რომ ეს რაც შეიძლება მალე მოხდეს", - განაცხადა ბუჟარზადემ.
ბოლო პერიოდის განმავლობაში, ირანში გაზისა და ნავთობის ობიექტებზე თავდასხმებმა იმატა. დასავლური მედიის მტკიცებით, ხელისუფლება მსგავსი ფაქტების აღსაკვეთად მკაცრი ზომების გატარებას არ აპირებს.
