პოლონური კომისია პოლონეთის პრეზიდენტის ლეხ კაჩინკის თვითმფრინავის კატასტროფის გამომწვევ რამდენიმე მიზეზს შორის პილოტებისა და რუსი დისპეჩერების არაპროფესიონალიზმს ასახელებს.
"პოლონეთის სპეციალური პოლკის პილოტების მომზადების დონე, რომლებიც ქვეყნის ხელმძღვანელობის თვითმფრინავებს ემსახურებიან სტანდარტენის შესაბამისი არ იყო", _ ნათქვამია პოლონური კომისიის დასკვნაში რომელიც "ტუ 154" ავარიის მიზეზების დასადგენად იყო შექმნილი.
ამასთან ერთად, ავარიის კიდევ ერთ მიზეზად, კომისიის დასკვნაში დასახელებულია სმოლენსკის აეროპორტის განათების სისტემის გაუმართაობა და ასევე რუსი დისპეჩერების არაპროფესიონალიზმი.
შეგახსენებთ, რომ 2010 წლის 10 აპრილს სმოლენსკთან თვითმფრინავმა "ტუ 154"-მა რომელშიც პოლონეთის პრეზიდენტი, მისი მეუღლე და მთავრობის წევრები იმყოფებოდნენ კატასტროფა განიცადა. შედეგად გარდაიცვალა 96 ადამიანი, მათ შორის 88 მგზავრი და ეკიპაჟის 7 წევრი.
"რუსი დისპეჩერი სმოლენსკში არასწორ მითითებებს აძლევდა "ტუ 154"-ის ეკიპაჟს. მეორე წრეზე ავტომატურად წასვლს საშუალება არ არსებობდა, თვითმფრინავი კი მიწასთას შეხებამდე გამართული იყო", _ ნათქვამია პოლონურ ანგარიშში.