ნორვეგიაში თამთა ლიპარტელიანის ცხედრის იდენტიფიკაცია მოხდა .ნორვეგიის მხარე დაუკავშირდა ქართულ მხარეს და ოფიციალურად დაუდასტურა, რომ თამთა ლიპარტელიანის ცხედარი ამოცნობილია.

"ნორვეგიულმა მხარემ გვთხოვა თითის ანაბეჭდების გადაგზავნა, რომ მომხდარიყო ცხედის იდენტიფიკაცა. ჩვენ ოპერტიულად მივაწოდეთ ყველა ჩვენს ხელთ არსებული ინფორმაცია და რამდენიმე წუთის წინ მათ ოფიციალურად დაგვიდასტურეს რომ ლიპარტელიანის ცხედარი იდენტიფიცირებულია", - განაცხადა საგარეო საქმეთა მინისტრის მოადგილემ ნინო კალანდაძემ სპეციალურ ბირფინგზე.
მისივე თქმით, ახალგაზრდას ზურგში ორი ტყვია აქვს მოხვედრილი და მისი ცხედარი წყალშია ნაპოვნი.
საგარეო საქმეთა სამინისტროს ინფორმაციით, ლიპარტელიანის გადმოსვენების ხარჯებსა და კომპენსაციას ნორვეგიული მხარე გაიღებს, თუმცა ამ პროცესში ქართული მხარეც აქტიუტრად არის ჩართული.
ნორვეგიაში იმყოფებიან ასევე თამთა ლიპარტელიანი მშობლებიც. მომხდართან დაკავშირებით საგარეო საქმეთა სამინისტრო თამთა ლიპარტელიანის ოჯახს სამძიმარს უცხადებს.
22 ივლისს, ანდერს ბრეივიკი კუნძულ უტოიაზე მდებარე ახალგაზრდულ ბანაკს თავს დაესხა და რამდენიმე ათეული ადამიანი მოკლა. თავდასხმის მომენტში კუნძულზე თამთა ლიპარტელიანთან ერთად იმყოფებოდა საქართველოს კიდევ ერთი მოქალაქე ნათია ჩხეტიანი, რომლის ჯანმრთელობის მდგომარეობას საფრთხე არ ემუქრება.