ხანძრის შედეგად თბილისში 73 წლის მამაკაცი გარდაიცვალა. ცეცხლი ისანი-სამგორის რაიონში, ჩოლოყაშვილის ქუჩაზე სამ საცხოვრებელ სახლს მოედო. ხანძარი თავდაპირველად გარდაცვლილის სახლში გაჩნდა და ამის შემდეგ გავრცელდა დანარჩენ შენობებზე. მამაკაცი მარტო ცხოვრობდა და ბოლო რამდენიმე წელი ავადმყოფობდა. მოხუცის სახლი მთლიანად დაიწვა. შემთხვევის ადგილზე მობილიზებული იყო 12 სახანძრო ბრიგადა, სასწრაფო სამედიცინო დახმარება და საპატრულო პოლიცია. სპეციალისტები არ გამორიცხავენ, რომ ცეცხლი თავისით გაჩნდა.
მასალის გამოყენების პირობები
