ოსლოში მომხდარი ტერაქტის შედეგად დაკარგული ქართველის, თამთა ლიპარტელიანის მშობლები ნორვეგიაში გაფრინდნენ.
თავიანთი შვილის ადგილსამყოფელის დადგენის მიზნით ისინი დღეიდან ნორვეგიის საავადმყოფოების შემოვლას თავად აპირებენ.
შეგახსენებთ, რომ ნორვეგიის კუნძულ უტოიაზე ახალგაზრდულ ბანაკზე განხორციელებული შემზარავი თავდასხმის შედეგად ათეულობით ადამიანი დაიღუპა და ასზე მეტი მოქალაქე დაშავდა. თამთა ლიპარტელიანი კი ერთ-ერთია იმ 30-ზე მეტ ახალგაზრდას შორის, რომელიც დაკარგულთა სიაში ირიცხება.
