ენერგეტიკისა და ბუნებრივი რესურსების მინისტრის ალექსანდრე ხეთაგურის განცხაებით, ტყეების გრძელვადიანი იჯარით გაცემის შემთხვევაში ტყეს განადგურება არ ემუქრება
როგორც მთავრობის სხდომის დასრულების შემდეგ ალექსანდრე ხეთაგურმა ჟურნალისტებთან საუბრისას აღინშნა, მისთვის გაუგებარია არასამთავრობოების პროტესტი და მზადყოფნას გამოთქვამს აღნიშნულ საკითხთან დაკავშირებით შეხვერდა გამართოს.
"კარგი იქნება არასამთავრობოები თუ გაეცნობიან იმ რეფორმებს, რასაც ჩვენ ვატარებთ. სამინისტრი ღიაა ნებისმიერი შეხვედრისთვის, მაგრამ როგორც ჩანს, ისინი თვლიან, რომ ამა თუ იმ განცხადების გაკეთება შეუძლიათ რეფორმის ყოველგვარი გაცნობის გარეშე, ამიტომ მათი ბრალდებები უსაფუძვო და უაზროა", - აღნიშნა ხეთაგურმა.
მისივე თქმით, იგი რეფორმის პრეზენტაციის დროს ყოველთვის ხაზს უსვამს რომ ერთი ხის მოჭრის შემთხვევაში ლიცენზიანტი ვალდებულია 3 ხე დარგოს.
"თუ უნდათ ამ რეფორმაში არასამთავრობოებს ჩართვა მზად ვარ დაველაპარაკო და თავად გავაცნო რეფორმის არსი და ამის შემდეგ შეუძლიათ უკვე მიიღონ გადაწყვეტილება უნდა გააკრიტიკონ თუ არა ჩვენი მოქმედებები", - აღნიშნა მინისტრმა და აქვე დასძინა, რომ დღეისათვისაც არსებობს გრძელვადიანი იჯარით გაცემული ტყეები.
შეგახსენებთ, რომ არასამთავრობო ორგანიზცაიები ტყის გრძელვადიან გასხვისებას აპროტესტებენ და აცხადებენ, რომ ამან შესაძლოა ტყის საბოლოო განადგურება გამოიწვიოს.