პრემიერ-მინისტრის, ნიკა გიალურის განცხადებით, ინფლაციის მაჩვენებელი ნელ-ნელა იკლებს და ინფლაციის მაჩვენებლის კლება აგვისტოს თვეშიც მოხდება.
"ქვეყანაში შემცირებულია ინფლაციის მაჩვენებელი. 2 თვის უკან 12 თვიანი ინფლაცია 14,5 პროცენტზე დაფიქსირდა. გასულ თვეს კი ეს ციფრი 10 პროცენტზე ჩამოვიდა. ივლისში კი 8,5-9 პროცენტი იქნება. ჩვენ ვვარაუდობთ რომ შემცირების ტენდენცია მომავალ თვეშიც გაგრძელდება და ინფლაცია აგვისტოში კიდევ უფრო შემცირდება", - განაცხადა ნიკა გილაურმა.
პრემიერ-მინისტრი აცხადებს, რომ მთავრობამ წინასწარვე იცოდა, რომ ქვეყანაში ინფლაციის ტემპი შემცირდებოდა, რადგან თავის დროზე ინფლაციის ზრდა და ქვეყანაში ფასების მატება მსოფლიოში ფასების მატებამ გამოიწვია და შესაბამისად როდესაც მსოფლიოში სასურსათო პროდუქცია ნელ ნელა იაფდება აღნიშნული პროცესი საქართველოზეც ტოვებს გავლენას.
"როდესაც იმ ქვეყანაში ინფლაციის პიკი იყო და მოსახლეობას უჭირდა ფასების ზრდის გამო მაშინ ჩვენ დავარიგეთ ელექტრო და სასურსათო ვაუჩერები. მოლოდონი არსებობდა და პროგნოზიც რომ ინფლაციის მაჩვენებელი სამომავლოდ შემცირდებოდა", - აღნიშნა ნიკა გილაურმა.