დღეიდან ერთიანი ეროვნული გამოცდების პირველადი შედეგები გამოქვეყნდება. საუბარია მხოლოდ პირველ გამოცდაზე, ანუ - ზოგად უნარებზე. დღის 12:00 სთ-დან 32 ათასი აბიტურიენტი გაიგებს თუ რამდენი ქულა დააგროვა მან ზოგად უნარ-ჩვევებში. შეგახსნებთ, რომ ერთიანი ეროვნული გამოცდები გუშინ დასრულდა. სტუდენტობის მსურველებმა ბოლო ტესტები ფიზიკაში ჩააბარეს.
განათლებისა და მეცნიერების მინისტრის პირველი მოადგილე კოკა სეფერთელაძე აცხადებს, რომ პირველადი შედეგების მიხედვით, რომელიც სამინისტროს აქვს მნიშვნელოვნად გამოსწორებულია აბიტურიენტების მომზადებისა და ცოდნის დონე. მისივე თქმით, მხოლოდ დაახლოებით 6 %-ზე ნაკლებმა ვერ შეძლო უნარ-ჩვევების გამოცდების მინიმალური კომპეტენციის ზღვრის გადალახვა, რაც წინა წლებთან შედარების წინ გადადგმული ნაბიჯია.
"ასევე საშუალო მაჩვენებელს თუ ავიღებთ, დაახლოებით 57 % ის გარშემო მერყეობს ის მიღებული ქულები რაც არის წინა წლებთან შედარებით ასევე წინ გადადგმული ნაბიჯი", _ აცხადებს სეფერთელაძე და აღნიშნავს, რომ საბოლოო შედეგების გამოქვეყნება აგვისტოს შუა რიცხვებში მოხდება.
მინისტრის მოადგილის თქმით, წელს ყველაზე მოთხოვნადი სასწავლებელი თავდაცვის აკადემია იყო და იქ ყველაზე დიდი კონკურსი აბიტურიენტებს შორის სწორედ იქ გაიმართა.
