ავსტრალიაში ძაღლმა ზვიგენი დაკბინა. ორი ძაღლი ზღვაში ზვიგენების ოჯახთან ერთად "ბანაობდა", თუმცა მოულოდნელად ოთხფეხა ცხოველმა ზვიგენს უკბინა. ინციდენტი თვითმხილველებმა სამოყვარული ვიდეო კამერით გადაიღეს.
თავდაპირველად ზვიგენები ცდილობდნენ ძაღლები ზღვის სიღრმეში შეეტყუებინათ, თითქოს სწორედ იქ სურდათ, რომ მათ იქ გამკლავებოდნენ. თუმცა მოულოდნელად ერთ-ერთმა ძაღლმა ზვიგენს უკბინა.
ადამიანმა, რომელიც ძაღლისა და ზვიგენის "ორთაბძოლას" იღებდა, სასოწარკვეთილმა დაიყვირა: "შეხედეთ. ძაღლი ზვიგენს კბენს. რა ჯანდაბა ხდება აქ? ეს წარმოუდგენელია, დაუჯერებელია. არ მჯერა, რომ მე ეს გადავიღე".
საბოლოოდ ძაღლი ზღვიდან უვნებელი და რაც მთავარია გამარჯვებული ამოვიდა, ხოლო რაც შეეხება ვიდეოს ის ინტერნეტის საშუალებით უკვე მრავალმა ადამიანმა ნახა.
