ბათუმში პარკინგი ფასიანია. ბათუმის მერიის ინფორმაციით, პარკირების საფასურის გადახდა ყველა ბანკსა და სწრაფი გადახდის ტერმინალებში არის შესაძლებელი. საფასურის გადახდის შემდეგ ავტომანქანის საქარე მინაზე სპეციალური სტიკერი მაგრდება, რაც იმის დამადასტურებელია, რომ ავტომანქანის მფლობელს პარკირების უფლება აქვს.
პარკირება ერთი წლის ვადით 40 ლარი, 6 თვით 20 ლარი, ერთი თვით 10 ლარი, ხოლო ერთი კვირით 4 ლარი ღირს. ახალი სისტემა 1 ივლისიდან ამოქმედდა. საფასურის გადაუხდელობა ან არასწორი პარკირება ჯარიმდება 10 ლარით.