18 ივლისს, გამთენიისას 57 წლის ასაკში გარდაიცვალა პარტიის თავმჯდომარის მოადგილე გიორგი (გუგე) ცანავა. გარდაცვალების მიზეზი გახდა გულის ინფარქტი.
გიორგი ცანავა პროფესიით გახლდათ ექიმი-ქირურგი. სხვადასხვა დროს მუშაობდა რუსეთისა და საქართველოს სამედიცინო დაწესებულებებში. 2002-2003 წლებში იყო ქ. წალენჯიხის საკრებულოს თავმჯდომარე. 2004-2008 წლებში იყო საქართველოს პარლამენტის დეპუტატი. 2010 წლიდან გახლდათ პარტია „თავისუფალი საქართველო"-ს თავმჯდომარის მოადგილე.
ჰყავს მეუღლე და 2 შვილი.
პარტია „თავისუფალი საქართველო" უსამძიმრებს გარდაცვლილის ოჯახს და ახლობლებს ამ ტრაგედიას.
