მიმდინარე წლის შემოდგომაზე უკრაინასა და საქართველოს შორის სავაჭრო-ეკონომიკურ საკითხებზე სამთავრობო კომისიის შეხვედრა გაიმართება. ამის შესახებ დღეს, უკრაინის საგარეო საქმეთა მინისტრმა კონსტანტინ გრიშჩენკომ ქართველ კოლეგასთან, საქართველოს საგარეო საქმეთა მინისტრ გრიგოლ ვაშაძესთან შეხვედრის დასრულების შემდეგ გამართულ ერთობლივ პრესკონფერენციაზე განაცხადა.
"ჩვენთვის მნიშვნელოვანია სავაჭრო ურთიერთობების განვითარება საქართველოსთან და ამ კუთხით შემოდგომაზე სავაჭრო-ეკონომიკურ საკითხებზე სამთავრობო კომისიის შეხვედრაა დაგეგმილი", - აღნიშნა უკრაინის საგარეო უწყების ხელმძღვანელმა.
მისივე თქმით, ვაშაძესთან შეხვედრაზე საუბარი შეეხო როგორც პოლიტიკურ, ასევე ეკონომიკურ, ენერგეტიკულ და ელექტრომატრებელების საკითხებს.
შეგახსენებთ, რომ უკრაინის საგარეო საქმეთა მინისტრი კონსტანტინ გრიშჩენკო საქართველოს ოფიციალური ვიზიტით გუშინ ესტუმრა, რომლის ფარგლებშიც პრეზიდენტ მიხეილ სააკაშვილს შეხვდა.
