შინაგან საქმეთა მინისტრი ვანო მერაბიშვილი უცხოური მედიის წარმომადგენლებს შეხვდა. როგორც "როიტერის" ჟურნალისტმა მაკა ანთიძემ "ჯი-ეიჩ-ენს" განუცხადა, შეხვედრა თავად მინისტრის ინიციატივით შედგა, სადაც საუბარი შეეხო დაკავებული ფიტოგრაფების საქმესაც.
„შეხვედრის ნაწილი იყო on the records, უმეტესი ნაწილი კი off the records. რაც იყო on the records, დაახლოებით ერთი საათის განმავლობაში სტატიის სახით ის „როიტერზე" გამოქვეყნდება", - განუცხადა „ჯი-ეიჩ-ენს" ანთიძემ.
ანთიძის თქმით, ვანო მერაბიშვილთან შეხვედრა შედგა როიტერის, ასოშიეტედ პრესის, ბლუმბერგის და ფრან პრესის ჟურნალისტებთან.
აღნიშნულ შეხვედრასთან დაკავშირებით მასალა დღეს როიტერის საიტზე გამოქვეყნდება.
შეხვედრას ასევე ესწრებოდნენ მინისტრის მოადგილე ეკა ზღულაძე და ანალიტიკური დეპარტამენტის ხელმძღვანელი შოთა უტიაშვილი.