სომალელი მეკობრეების მიერ დატყვევებული ქართველები მესამე თვეა ოჯახებს ვერ უკავშირდებიან. ამის შესახებ „ჯი-ეიჩ-ენს" ერთ-ერთი დატყვევებულის ჯაბა ქარჩავას დედამ განუცხადა. გულნარა ხაბაძის თქმით, მისი შვილი ოჯახს ბოლოს მაისში დაუკავშირდა.
„მაისის შემდეგ ჯაბა ვეღარ გვეხმიანება. ვერ ეხმიანებიან თავიანთ ოჯახებს სხვა დატყვევებულებიც. ბოლოს როცა დაგვირეკა გვითხრა, რომ მისი ჯანმრთელობის მდგომარეობა სტაბილურია. ახლა კი, არ ვიცით რა მდგომარეობაა", - განაცხადა „ჯი-ეიჩ-ენთან" საუბრისას გულნარა ხაბაძემ.
მისი თქმით, მის ოჯახს არც საქართველოს საგარეო საქმეთა სამინისტრო ეხმიანება.
შეგახსენებთ, რომ ქართველი მეზღვაურები ტყვეობაში რამდენიმე თვეა რაც იმყოფებიან. ბოლო ინფორმაციით, მათი გათავისუფლების სანაცვლოდ მეკობრეები დიდი ოდენობის თანხას ითხოვენ.