მენეჯმენტ კონსალტინგ კომპანია PMCG-მ ქართული თხილის საწარმო "ეკოპექსში" სურსათის უვნებლობის სისტემის - HACCP-ის და საერთაშორისო სტანდარტის - ISO 22000-ის დანერგვა წარმატებით დაასრულა. პროექტი განხორციელდა რეგიონალური განვითარების ფონდის ტექნიკური დახმარებით.
როგორც "ჯი-ეიჩ-ენს" PMCG-დან აცნობეს, საერთაშორისო მასერტიფიცირებელმა „ბიურო ვერიტასმა" დადებითად შეაფასა სურსათის უვნებლობის HACCP -ის და ISO 22000-ის სისტემების დანერგვა კომპანია „ეკოპექსში".
კომპანიის ინფორმაციით, უახლოეს მომავალში ჩატარდება სერტიფიცირების მეორე ეტაპი და კომპანია „ეკოპექსს" გადაეცემა სურსათის უვნებლობის (HACCP) და ISO 22000-ის სტანდარტის ფლობის დამადასტურებელი საერთაშორისო სერტიფიკატი.
შეგახსენებთ, რომ შპს "ეკოპექსი" დაარსდა 2006 წელს, თხილის გადამუშავების გარდა, ასევე ფლობს თხილის ბაღებს კახეთსა და სამეგრელოს რეგიონში. ეკოპექსის პროდუქციის რეალიზაციის ძირითად სეგმენტს ევროპის ბაზარი წარმოადგენს. დღეისათვის ექსპორტი წარმოებს ისეთ ქვეყნებში, როგორებიც არის: გერმანია, ჰოლანდია, ჩეხეთი, პოლონეთი, ესტონეთი და ა.შ. კომპანია აწარმოებს მოლაპარაკებებს აშშ-ს ბაზარზე შესასვლელად. GRDF არის ეკოპექსის ინსტიტუციონალური პარტნიორი. GRDF-მა კომპანიაში 2 მლნ. აშშ. დოლარის ინვესტიცია განახორციელა, რომელიც დაეხმარა კომპანიას სტრატეგიულ განვითარებაში.