ბორჯომის რაიონის სოფელ ქვაბისხევში 27 წლის ლევან მაისურაძე მდინარე მტკვარში დაიხრჩო.
გარდაცვლილის ახლობლების თქმით, მაისურაძე თანასოფლელს თიბვაში ეხმარებოდა. მან მდინარის გავლით მეორე ნაპირზე გადასვლა დააპირა, რა დროსაც, სავარაუდოდ, მდინარემ წაიღო.
თვითმხილველების თქმით, იგი მდინარეში შესული დაინახეს, გამოსული კი არავის უნახავს. ლევან მაისურაძის ცხედარი დინებამ წაიღო. მისი პოვნა ამ დრომდე ვერ მოხერხდა.
შემთხვევის ადგილზე სამაშველო ბრიგადა და საპატრულო პოლიცია იყო მობილიზებული. ლევან მაისურაძე ადგილობრივი მცხოვრები იყო და რაიონულ სახანძრო სამაშველო სამსახურში მუშაობდა.