ამერიკის შეერთებული შტატებიდან შემოტანილი ხორბლის თესლის მეშვეობით, ქართველმა ფერმერებმა, უკანასკნელი 10 წლის განმავლობაში ყველაზე უხვი მოსავალი მიიღეს.
საქართველოს სოფლის მეურნეობის სამინისტროს ინფორმაციით,
წლევანდელი ალოობა ბოლო 10 წლის განმავლობაში ყველაზე უხვმოსავლიანია. ეს მთავრობის მიერ შემუშავებული იმ გეგმის დამსახურებაა, რომლის ფარგლებშიც საქართველოში ამერიკის შეერთებული შტატებიდან მაღალმოსავლიანი ხორბლის თესლის შემოტანა მოხდა. ჯაგერის ჯიშის სათესლე მასალამ გაამართლა საქართველოს პირობებში. იმ ფერმერებმა, ვინც სწორედ ეს თესლი გამოიყენეს ჰექტარზე მინიმუმ 4 ტონა ხორბლის მოსავალი აიღეს. ამან კი ქვეყანაში საშუალო მოსავლიანობის მაჩვენებელიც მკვეთრად გაზარდა. "პროგრამამ გაამართლა და შედეგად წელს ბოლო 10 წლის განმავლობაში საუკეთესო მოსავალი მივიღეთ. გაზრდილია ამერიკული ხორბლის მიმართ ფერმერთა ინტერესი, რადგან მათ მკაფიოდ დაინახეს განსხვავება", - განაცხადა ბაკურ კვეზერელმა. ხორბლის პროგრამის განხორციელების შედეგად, ქვეყანაში მარალი ხარისხის სათესლე მასალაც გაჩნდა.
შემოტანილი ჯაგერის ჯიშის თესლი პირველი რეპროდუქციის იყო, რაც საშუალებას იძლევა მისგან მიღებული მოსავლიდან ნაწილის სათესლედ გამოყენებას 3 წლის განმავლობაში. ამავე დროს ქვეყანაში განახლდა სასოფლო-სამეურნეო ტექნიკის ბაზა. ამჟამად ყველა მსურველს შეუძლია გამოიყენებოს თანამედროვე კომბაინები, რომელთა დანაკარგიც თითქმის ნულის ტოლია. შედარებისთვის ძველი ტექნიკის პირობებში მოსავლის 20 პროცენტზე მეტი აღების დროს იკარგებოდა.