იანვარ-ივნისში, საქართველოს 1 მლნ. 108 ათას 914 ვიზიტორი ესტუმრა, რაც წინა წლის ანალოგიურ მაჩვენებელს 45%-ით აღემატება. ეკონომიკისა და მდგრადი განვითარების სამინისტროს ინფორმაციით, 2011 წლის ექვს თვეში, ევროპის ქვეყნებიდან (დსთ-ს ქვეყნების გარეშე) საქართველოში 388 ათას 832 ვიზიტორი შემოვიდა (შემოსულ ვიზიტორთა 35%), რაც გასულ წელთან შედარებით 40%-ით მეტია. 2011 წლის იანვარ-ივნისში, დსთ-ს ქვეყნებიდან შემოსულია 672 ათას 928 ვიზიტორი (ვიზიტორთა 60,7%), რაც 2010 წლის ანალოგიური პერიოდის მაჩვენებელზე 47%-ით მეტია.
მიმდინარე წლის ექვს თვეში, ამერიკიდან შემოვიდა 11 ათას 934 ვიზიტორი (შემოსულ ვიზიტორთა 1,1%), რაც 2010 წლის იანვარ-ივნისის ანალოგიურ მაჩვენებელზე 24%-ით მეტია, აზიის ქვეყნებიდან _ 31 001 ვიზიტორი (შემოსულ ვიზიტორთა 2,8%), რაც წინა წლის ანალოგიურ მაჩვენებელს 78%-ით აღემატება, აფრიკიდან _ 743 ვიზიტორი (შემოსულ ვიზიტორთა 0,1%), რაც გასული წლის მაჩვენებელს 82%-ით აღემატება, ხოლო დანარჩენი მსოფლიოდან - 3 476 ვიზიტორი (ვიზიტორთა 0,3%), რაც გასული წლის მაჩვენებელზე 164%-ით მეტია.
2011 წლის იანვარ-ივნისში, დსთ-ს ქვეყნებიდან შემოსულ ვიზიტორთა (672 ათას 928) უდიდესი ნაწილი აზერბაიჯანზე მოდის. კერძოდ, აზერბაიჯანიდან შემოვიდა 299 ათას 762 ვიზიტორი (დსთ-ს ქვეყნების ვიზიტორთა 44,5%), რაც გასული წლის ექვსი თვის ანალოგიურ მაჩვენებელს 43%-ით აღემატება. სომხეთიდან შემოვიდა 242 ათას 213 ვიზიტორი (დსთ-ს ვიზიტორების 36%), რაც გასული წლის ანალოგიურ პერიოდთან შედარებით 51%-ით მეტია.