რადიო "უცნობი" ფოტორეპორტიორების საქმესთან დაკავშირებით განცხადებას ავრცელებს.
"რადიო "უცნობი" შეშფოთებულია ოთხი ფოტორეპორტიორის დაჭერის ფაქტთან დაკავშირებით და იმედს გამოთქვამს, რომ გამოძიება ობიექტურად და სამართლიანად წარიმართება. ამის საწინდარი საზოგადოებისა და მედიის აქტიური მონიტორინგი იქნება. გაკვირვებას იწვევს ის ფაქტი, რომ უკანასკნელ პერიოდში, როდესაც საქმე გვქონდა ე.წ. "ჯაშუშების თემასთან", არ ყოფილა შემთხვევა, ძიება გრიფით "საიდუმლო" ეწარმოებინათ. იმისათვის, რომ სიმართლე გაცხადდეს, საჭიროა საქმის მასალების გახსნა და საზოგადოების მეტი ინფორმირებულობა", - ნათქვამია რადიო "უცნობის" სამაუწყებლო საბჭოს მიერ გავრცელებულ განცხადებაში.
