დღეს 11.00 საათზე საერთაშორისო სამოდელო სააგენტო „ნიკიტა მოდელსის" ოფიციალურ პრეზენტაციამდე რამდენიმე საათით ადრე, რიყის პარკში ჩვენების გენერალური რეპეტიცია მოეწყობა. პარკში უკვე დამონტაჟდა საქარველოსთვის უპრეცედენტოდ გრძელი 30 მეტრიანი პოდიუმი, რომელიც პირველად განათდება ევროპული სტანდარტის „ცივი ნათებით".
უკრაინიიდან ორი ცნობილი დიზაინერი და ყველზე ცნობილი ქალი დიჯეი საგანგებოდ „ნიკიტა მოდელსის" გახსნაზე ჩამოვიდნენ. კუტიურიე ოლეგ სკირდა და უკრაინული მაღალი საზოგადოების ფავორიტი დიზაინერი ირინა კრასილნიკოვა ქართულ საზოგადოებას კოლექციებს სწორედ პრეზენტაციაზე წარმოუდგენენ. უკრაინაში ყველაზე პოპულარული ქალი დიჯეი -ლერა კი მუსიკასთან ერთად „ბოდი არტ ბალეტსაც" წარმოადგენს.
უკვე დილიდან დიზაინერები „რეგიონ ტვ"-ს, ღონისძიების სპონსორის და მედიამხარდამჭერის, დილის ეთერის სტუმრები იქნებიან, სადაც მათ მიერ შექმნილ, ჩვენებაზე ჩამოტანილ კოლექციებზე ისაუბრებენ.
„კუტიურიე ოლეგ სკირდა არამარტო უკრაინასა და პოსტსაბჭოთა სივრცეში, არამედ მთელს მსოფლიოში ერთერთი ცნობილი დიზაინერია. სწორედ მას ეკუთვნის საცურაო კოსტუმების პირველი კოლექცია ოტ კუტიურისაგან, ხოლო მისი ერთერთი ნამუშევარი - საცურაო კოსტიუმი რეკორდულ ფასად 12 000 ევროდ გაიყიდა. რაც შეეხება ირინა კრასილნიკოვას, იგი ალბათ უპირველესად იმითაა გამორჩეული, რომ უკრაინის მაღალი მოდის დიზაინერებს შორის ყველაზე ახალგაზრდაა და მიუხედავად ამისა მაღალი საზოგადოების ყველაზე მოთხოვნადი დიზაინერია. აღშანიშნავია ისიც, რომ იგი ერის ართადერთი დიზაინერი, რომელმაც უკრაინის მაღალი მოდის კვირეულში 20 წლის ასაკში მიიღო მონაწილეობა,"- აცხადებს სააგენტო „ ნიკიტა მოდელსის" ხელმძღვანელი იგორ ამიროვი.
რაც შეეხება დიჯეი ლერას, იგი უკრაინაში უსაზღვრო პოლულარობით სარგებლობს. გარდა კონცერტებისა და კლუბური საღამოებისა იგი მუსიკალურად აფორმებს ისეთი მარალი დონის ღონისძიებებს, როგორიცაა მოდის კვირეული. „ნიკიტა მოდელსის" პრეზენტაცისაც იგი და მისი" ბოდი არტ ბალეტი გააფორმებენ.
"ნიკიტა მოდელსის" ოფიციალური პრეზენტაცია დღეს 21.00 საათზე, რიყეზე, ახლადგახსნილ პარკში სააგენტო გაიმართება. „ნიკიტა მოდელსს" ამ დროისთვის გააჩნია ფილიალები არა მარტო უკრაინასა და საქართველოში, არამედ ბარსელონაში, ჰონკონგში და იმუშავებს მონრეალში. კომპანიას მსოფლიოს მასშტაბით ორას ორმოცდაათზე მეტი პარტნიორი ჰყავს. ამავე სააგენტოს მოდელია ისეთი პრესტიჟული საავტომობილო ბრენდის სახე, როგორიცაა "Jaguar", მოქმედი „მის უკრანა" და „მის კიევი". სააგენტოს პრეზენტაცია, თბილისის მერიის, "შერატონ მეტეხი პალასის", „ალ ჰამრას", „ბარამბოს", „ბერტას", „პეპსის", „თბილღვინოს", "აფთაუნ თბილისის", „რაკინ დეველოპმენტის", „რაკიას", „აბსორბას", „ჟან ბურჟუს" და Region TV-ს მხარდაჭერით იმართება. მედია პარტნიორები კი არიან: „რუსთავი 2", „იმედი", „რეალ ტვ", „თბილისელები", „რადიო ქალაქი".
