საქართველოს სამოდელო ბიზნესის ბაზარზე საერთაშორისო სამოდელი სააგენტო „ნიკიტა მოდელსი" შემოდის. სააგენტოს შესახებ „ნიკიტა მოდელსის" მენეჯმენტი 6 ივლისს, 13:00 საათზე, სასტუმრო „ქორთიარდ მერიოტში" დაგეგმილ პრესკონფერენციაზე ისაუბრებს.
„ნიკიტა მოდელსი" საერთაშორისო სამოდელო სააგენტოა და ამ დროისთვის გააჩნია ფილიალები არა მარტო უკრაინასა და საქართველოში, არამედ ესპანეთსა და ჰონკონგშიც. კომპანიას მსოფლიოს მასშტაბით ორას ორმოცდაათზე მეტი პარტნიორი ჰყავს. ამავე სააგენტოს მოდელია ისეთი პრესტიჟული საავტომობილო ბრენდის სახე, როგორიცაა "Jaguar", მოქმედი „მის უკრანა" და „მის კიევი". „ნიკიტა მოდელსის" ხელმძღვანელები დარწმუნებულები არიან, რომ საქართველოდან მსოფლიო პოდიუმებისკენ ძალიან ბევრ ქართველ მოდელს გაუკვალავენ გზას.
სააგენტოს პრეზენტაცია, თბილისის მერიის, „ბარამბოს", „ბერტას", „პეპსის", „თბილღვინოს", "აფთაუნ თბილისის", „რაკინ დეველოპმენტის", „რაკიას", "შერატონ მეტეხი პალასის", ‘ალ ჰამრას", „აბსორბას", „ჟან ბურჟუს" და Region TV-ს მხარდაჭერით 7 ივლისს, 21 საათზე, რიყეზე, ახლადგახსნილ პარკში იგეგმება.
სპეციალურად პრეზენტაციისთვის, საქართველოში უკრაინელი ტოპ-მოდელები და დიზაინერები ოლეგ სკირდა და ირა კრასილნიკოვა ჩამოვლენ და საკუთარ კოლექციებს წარმოადგენენ. ოლეგ სკირდას ერთ-ერთი კოლექცია იქნება J'adore la Couture („ვგიჟდები ოტ კუტიურზე - მაღალ მოდაზე"). სკირდა ერთადერთი დიზაინერია, ყოფილი პოსტ საბჭოთა სივრციდან, რომლის საცურაო კოსტიუმიც 12 ათას ევროდ გაიყიდა. ირა კრასილნიკოვა კი უკრაინული ელიტის უსაყვარლესი დიზაინერია და ასევე სახელი გაითქვა იმით, რომ ყველაზე ახალგაზრდა მოდელიორია, რომელმაც მონაწილეობა ფეშენ ვიკში მიიღო. პოდიუმზე „ნიკიტა მოდელსის" დამწყები მოდელები-ბავშვებიც გაივლიან, რომლებიც ბრენდების აბსორბას, ჟან პოლ გოტიეს, კენზოს და ჟან ბურჟუს კოლექციებს გამოიტანენ.
„ჩვენი მოდელები მონაწილეობენ ისეთი ბრენდების ჩვენებებში როგორებიცაა DIOR, Max Mara, Poul Smith, Celine, Zuhair Murad, Frankie Morello, ESCADA. სააგენტოს მოდელები სხვადასხვა დროს დაკავებულები იყვნენ ისეთი ბრენდების ფოტოსესიებისთვის, როგორებიცაა: "Dolce & Gabbana""MTC", "Life", "PEPSI", "Coca-Cola", "Samsung", "LG", "Honda" და სხვა. დარწმუნებული ვარ, რომ ქართველი მოდელების სილამაზეს და გამორჩეულობას, „ნიკიტა მოდელსის" დახმარებით, მალე მთელი მსოფლიო აღიარებს", - აცხადებს იგორ ამიროვი.
რაც შეეხება პრეზენტაციის სხვა დეტალებს, ჩვენების მუსიკალურ და სანახაობრივ მხარეზე იზრუნებს ყველაზე პოპულარული უკრაინელი ქალი დიჯეი - ლერა, შოუ ბოდი-არტ ბალეტის ულამაზეს გოგონებთან ერთად. პრეზენტაციის სპონსორობა ითავეს კომპანიებმა: „ბარამბო", „ბერტა", „პეპსი", „თბილღვინო', "აფთაუნ თბილისი", „რაკინ დეველოპმენტი", „რაკია", „შერატონ მეტეხი პალასი", „ალ ჰამრა", აბსორბა. მედია სპონსორი და მხარდამჭერია Region TV. მედია პარტნიორები კი არიან: „რუსთავი 2", „იმედი", „რეალ ტვ", „თბილისელები", „რადიო ქალაქი". მოდელების ვიზაჟსა და ვარცხნილობაზე იზრუნებს სილამაზის სალონების ქსელი „მელანჟი".